EAPCO 2023:Askari Polisi wa Rwanda  watwaa vikombe 9

Rwanda imekuwa mwenyeji wa mashindano ya  askari polisi kutoka mataifa ya ukanda wa Afrika ya mashariki ‘Eastern Africa Police Chiefs Cooperation Organization (EAPCCO)’. Mashindano haya yalianza  tarehe 21-27 Machi 2023 mjini Kigali.

Mashindano hayo yameandaliwa chini ya kaulimbiu ‘’ Kukuza ushirikiano wa polisi katika kupambana na uhalifu unaovuka mipaka pamoja na ushirikiano wa polisi kupitia michezo na burudani’’.

Michezo ya EAPCO 2023 imezileta kwa pamoja Uganda,Kenya, Sudani Kusini, Burundi, Ethiopia, Kenya, Sudani na mwenyeji  Rwanda ambayo imepokea kwa mara ya kwanza  Awamu ya nne ya mashaindano hayo.

“EAPCCO Games 2023”, Timu ya Polisi ya Rwanda imemaliza ikiwa  kwenye nafasi a kwanza baada ya kunyakua vikombe  9  kati ya michezo 13 iliyochezwa.

Timu zilizoshiriki michezo mbali mbali ikiwemo  soka, Volleyball, riadha, Basketball, Darts, Ndondi, Basketball, Handball, Judo, Karate, Taekwondo, Netball, na kulenga shabaha “Shooting’’. Wachezaji  wote kwa jumla walioshiriki walikuwa 1250 wanaume na wanawake.

Katika mchezo wa soka, timu y Askari Police ya Rwanda ilifunga ya Burundi kwa mikwaju ya penati baada ya timu hizo kuondoka suluhu  kwa magoli 3-3. Mechi ya kwanza Police ya Rwanda iliinyuka Burundi maarufu Rukinzo kwa magoli 3-1 na mechi ya pili Timu ya Polisi Burundi ikaibwaga Rwanda 2-0. Baada ya dakika 120 timu zote zikiwa sare ya 3-3 ilipigwa mikwaju ya penati Rwanda ikaingiza 5-4 Police ya Burundi, kombe likabaki nyumbani Rwanda.

Kwa jumla Askari Polisi wa Rwanda, walinyaka nafasi ya kwanza, Kenya ni ya pili wakati Uganda ikija kwenye nafasi ya 3.

Timu askari Polisi ya Uganda ilinyakua kombe la Netball iyochezwa na wanawake, Tanzania ilitwaa kombe la Darts wanaume, Kenya ilitwaa kobe la riadha wakati Burundi ilitawazwa kombe la Judo.

Rwanda ilizolea vikombe  vya Basketball, Volleyball, Ndondi, Karate, Kulenga shabaha kwa kutumia bunduki na Pisto, waliibuka pia kombe la soka, Handball.

Christopher Karenzi