APR BBC Yatwaa Ubingwa na Kutunukiwa faranga milioni 15 RWF
Timu ya mpira wa kikapu APR BBC imetwaa Ubingwa wa Ligi ya Mpira wa Kikapu nchini Rwanda kwa mara ya nne mfululizo, baada ya kuifunga Patriots BBC kwa 114–76 katika mchezo wa nne wa fainali za mchujo (playoffs). Kwa ushindi huo, APR BBC imetwaa zawadi ya faranga milioni 15 za Rwanda. Mchezo huo ulifanyika Jumatatu usiku, tarehe 24 Agosti 2026, katika uwanja wa BK Arena.
APR BBC iliingia katika mchezo huo ikihitaji ushindi pekee ili kutwaa ubingwa, wakati Patriots BBC ilihitaji kushinda ili kuongeza idadi ya michezo katika mfululizo huo.
Mchezo ulianza kwa kasi kubwa, huku wachezaji kama Adonis Filer na Damaria Franklin wakiifungia timu zao. Robo ya kwanza ilimalizika APR BBC ikiwa mbele kwa 24–22 dhidi ya Patriots BBC.
Katika robo ya pili, mchezo uliendelea kuwa wa ushindani mkubwa, huku Ndayisaba Ndizeye Dieudonné na Damaria Franklin wakiiongoza timu zao katika kufunga.
Katika dakika tatu za mwisho za kipindi cha kwanza, timu ya APR, inayowakilisha Jeshi la Rwanda, iliongeza tofauti ya pointi kwa msaada wa wachezaji kama Ntore Habimana na Adonis Filer, ambaye alifunga kwa ufanisi kupitia mikwaju ya pointi tatu. Tofauti hiyo ilifikia pointi 14, huku APR BBC ikiiongoza Patriots kwa 53–39.
Kufikia mapumziko, APR BBC iliendelea kuongoza mchezo kwa pointi 56–43 dhidi ya Patriots BBC.
Craig Randall alichaguliwa kuwa Mchezaji Bora wa Michezo ya Mchujo (Playoffs MVP).
APR BBC imeendelea kutawala na kutwaa ubingwa wa nne mfululizo
Timu hiyo ya Jeshi iliendelea kucheza vizuri katika robo ya tatu na kuongeza tofauti ya pointi kupitia wachezaji kama Maouhamadou Diagne na Craig Randall, na kufikisha tofauti hiyo hadi pointi 20, huku matokeo yakiwa 73–53.
Kwa upande mwingine, Patriots BBC ilionekana kukosa majibu ya kuikabili APR BBC, hali ambayo pia ilionekana kumfanya kocha Niyomugabo Sunny kukubali kuwa timu yake ilikuwa katika hali ngumu.Robo ya tatu ilimalizika APR BBC ikiwa mbele kwa pointi 81–58 dhidi ya Patriots BBC.
APR BBC mabingwa 2026
Katika robo ya mwisho, timu hiyo ya Jeshi iliendelea na kasi hiyo na kuongeza zaidi tofauti ya pointi kupitia wachezaji kama Teafale Lenard, Adonis Filer na Uwitonze Justin, ambao walifunga pointi nyingi kupitia mikwaju ya pointi tatu.
Mchezo ulimalizika APR BBC ikiifunga Patriots BBC kwa 114–76, na hivyo kupata ushindi wa nne uliokuwa unahitajika katika mfululizo huo na kutwaa ubingwa wa Ligi ya Basketball kwa mara ya nne mfululizo.
Mshindi wa pili Patriots BBC
Kocha Bora wa Mwaka: Niyomugabo Sunny wa Patriots BBC.
Jenerali wa Jeshi la Rwanda Nyakarundi Vincent akiwa na pamoja na Richard Murefu rais wa APR BBC wakifurahia ushindi
Kamanda wa Jeshi la Rwanda la nchi kavu, Maj. Gen. Vincent Nyakarundi, alionyesha furaha baada ya APR BBC kutwaa ubingwa kwa mara ya nne mfululizo.
REG BBC yashika nafasi ya tatu
Nafasi ya tatu ilichukuliwa na REG BBC, baada ya kuifunga RSSB Tigers BBC kwa pointi 96–84 na kukamilisha ushindi wa michezo miwili dhidi ya mmoja.
Tuzo za wachezaji bora:
Wachezaji waliofanya vizuri zaidi walitunukiwa tuzo, wakiongozwa na Craig Randall wa APR BBC, ambaye alichaguliwa kuwa Mchezaji Bora wa Mchujo (Playoffs MVP) na kutunukiwa faranga milioni 2 za Rwanda.
.
