Kesi inayomhusu  Rais wa  FERWAFA Shema,  yawasilishwa  kwenye Ofisi ya Mashtaka

Na Christopher Karenzi

Kesi inayomhusu Fabrice Shema, Rais wa Shirikisho la Soka nchini Rwanda (FERWAFA), imewasilishwa kwa Ofisi ya Mashtaka, kwa mujibu wa Ofisi ya Upelelezi wa Rwanda (RIB).

Shema alikamatwa tarehe 11 Agosti kwa tuhuma za kutoa hundi isiyokuwa na fedha za kutosha (hundi hewa), na alizuiliwa katika kituo cha RIB cha Kicukiro.

Msemaji wa RIB (Idara ya Upelelezi wa Jinai) nchini Rwanda, Dkt. Murangira Thierry, aliiambia gazeti la The New Times Jumatano hii kwamba:“Kesi hiyo imetumwa kwenye Ofisi ya Mashtaka jana, Agosti 18. Uchunguzi bado unaendelea.”

Murangira awali alisema kuwa suala hilo linahusiana na biashara binafsi ya Shema, na halihusiani na majukumu yake kama Rais wa FERWAFA (Shirikisho la Soka nchini Rwanda).

“Kesi hiyo iliwasilishwa kwa Ofisi ya Mashtaka, tarehe 18 Agosti. Uchunguzi unaendelea,” msemaji wa RIB, Thierry Murangira, aliiambia

Awali, Murangira alisema kuwa kesi hiyo inahusu biashara binafsi ya Shema na haihusiani na nafasi yake kama Rais wa FERWAFA.

Kwa mujibu wa sheria inayosimamia hundi zinazotumika katika shughuli za kibiashara, mtu anayepatikana na hatia ya kutoa hundi isiyo na fedha za kutosha anaweza kuhukumiwa kifungo cha miaka miwili hadi mitano, pamoja na kutozwa faini ya kati ya mara tano hadi mara 10 ya kiasi cha fedha kilichoandikwa kwenye hundi hiyo.

Kiasi cha fedha kinachohusishwa na kesi hiyo, pamoja na taarifa za kina kuhusu mtu aliyewasilisha malalamiko, bado hazijawekwa wazi.