Igachess club mu bikorwa byo kwiyubaka
Umukino wa chess wari umaze igihe utavugwa bitewe n’uko ishyirahamwe rya Esheke mu Rwanda (Rwanda Chess Federation) ritarimo gukora muri iki gihe. Ikipe y’umukino wa Esheke (Chess) mu rwego rwo kwiyubaka, yatumiye abakinnyi ndetse n’abanyamuryango bayo bayigize mu mukino wa gicuti wabereye i Kigali ku itariki 26/03/2024.
Johnson Rutayisire ni umwe mu banyamuryango b’ikipe ya IGACHESS. Mu kiganiro na brightafrica.rw yavuze ko iki igikorwa cyo guhuza abakinnyi ari cyiza cyane, cyigaragaza ko umukino wa chess ugiye kongera gutezwa imbere.
Rutayisire yagize ati: “Igishimishije cyane ni uko abatabiriye irushanwa abenshi ni urubyiruko kandi rugaragaza impano zabo. Umwihariko mu bitabiriye irushanwa abagaragaye benshi ni abakobwa. Turabashishikariza gukomezaho dore ko ari igikorwa twishimira twese abitabiriye’’.
Umukino wa chess uhagaze gute mu Rwanda ?
Rutayisire yahoze ari umunyabanga mukuru wa Federation ya Echecs mu Rwanda mu gihe cya Colonel Uwihoreye Charles wigeze kuyiyobora ariko ubu yitabye Imana. Akomeze aruhukire mu mahoro.
Rutayisire wakomeje kuba mu nzego zitandukanye muri Federation ya chess mu Rwanda, yagize ati ‘’Twari tumaze kugera ku rwego rushimishije, tuza guhura n’ibibazo ariko muri iyi minsi twifuza gusubira ku ruhando mpuzamahanga, turifuza ko mu minsi iri imbere chess, tuzaba dufite umurongo nk’uwo twari dufite mbere y’ uko duhura n’ibibazo bijyane n’Ishyirahamwe ”.
Rutayisire yagaragaje ko ngo nubwo Federation ya Chess yahagaritswe yagize ati ” Nta bikorwa byari bihari ariko turimo kwiyubaka buhoro buhoro. Uyu munsi hari ikipe ya IGACHESS Club nshyashya kugira ngo twongere tubyutse umukino, Federasiyo ntiratwemerera kuko nta club zihagije zihari”
Ngo hari urwego rubishinzwe rubyemeza. Yavuze ko mu minsi iri mbere amakipe naboneka munsi iri imbere Federasiyo izongera ikore.
Iki gikorwa cyateguwe na IGACHESS Club ariko n’abandi bari batumiwe kubifuza gukina umukina wa esheke (chess). Abatsinze barahembwe.
Mu Rwanda hakaba hari umusifuzi ku rwego mpuzamahanga Madame Christella Girizina Rugabira., ni umwe mu bari abakinnyi ba chess mu Rwanda
Christella Girizina Rugabira muri Inde
Federation hirya no hino mu bihugu zohereza amakipe mu marushanwa mpuzamahanga harimo ndetse akomeye ‘’Chess Olympiad’’ ni irushanwa ritegurwa buri myaka 2 na Federation ya Esheke ku rweg rw’isi Fédération Internationale des Échecs FIDE).
Ku rwego rw’abagore amarushanwa azaba ku nshuro ya 45 (45th Chess Olympiad) guhera ku itariki ya 10-23/2024 mu murwa mukuru wa Hungary i Budapest ku mugabane w’i Burayi.
Ganza Kevin wazamuye benshi mu mukino wa chess niwe uyoboye Igachess, akaba yarayoboye na FERWADE
Abakinnyi ba chess
Karenzi Christophe
