Dr Kamana Olivier : Iyi niyo Afrika dushaka, nibwo bumenyi twifuza.

I Kigali ku itariki 21 Werurwe 2023, hatangiye Inama y’iminsi 3 ya AKADEMIYA2063 ikab igamije guhuza  abashakashatsi  baturutse ku mugabane wa Afrika  mu rwego rw’ubuhinzi. 

Iyi nama iri kwibanda ku bibazo binyuranye nka politike y’ubuhinzi, imihindagurikire y’ikirere, ingaruka zatewe na Covid-19 ku mugabane wa Afurika, ishyirwaho ry’ikigo cy’ibarurishamibare.

Aba bashakashatsi basaga 200, ku munsi wa mbere w’iyi nama basuzumiye hamwe  ingaruka za covid  mu bihugu bitandukanye ku mugabane.

Insanganyamatsiko igira iti,‘’Kubaka uburyo bunoze mu kwihaza mu biribwa nubwo hari ibibazo by’ubuzima, intambara n’ibibazo biterwa n’imihindagurikire y’ikirere”.

Umunyamabanga uhoraho muri Minisiteri y’Ubuhinzi n’ubworozi Dr Kamana Olivier mu ijambo rye  atangiza ku mugaragaro iyi nama, yashimye ko  ibereye  mu Rwanda.

Yakomeje avuga ko Icyerezo cy’igihugu kijyanye n’umushinga Akademiya 2063 watangiriye mu Rwanda,  yagize ati :  Iyi niyo Afrika dushaka, nibwo bumenyi twifuza. Inama ya Academiya  ibereye mu Rwanda ni inyungu idufitiye akamaro’’.

Ibizava muri uyu mushinga bijyanye no kunoza imirire hakoreshejwe ikoranabuhanga.

Mu  butumwa bwatanzwe na Dr. Ousmane Badiane, Perezida wa AKADEMIYA 2063 yavuze ko anejejwe no kuba inama ibereye mu Rwanda mu rwego rwo  kwiga ku bibazo birebana n’ iterambere ry’Umugabane wa Afurika, ikibazo cyo kwihaza mu mirire, ubucuruzi…. ’’.

Gahunda ya African Growth and Development Policy (AGRODEP) iharanira guteza imbere uburyo buzamura ubukungu, gutanga amahugurwa ndetse n’ubusesenguzi, ikanatera inkunga imikoranire hagati y’abashakashatsi bo muri Afurika no ku rwego mpuzamahanga. Kuva yatangira.

Kubijyanye n’ubuhinzi Dr Joseph  Nkurunziza  umuyobozi wa College y’Ubucuruzi n’Ubukungu yavuze ko ubuhinzi muri Afrika bwatangiye  ari ubuhinzi butunga  banyirabwo.

Yagize ati ‘’Abantu benshi bahinganga imyaka ariko ntibashobore gusigaza umusaruro wajyana ku isoko, ibyo byatumye umuntu yitekerezaho aho gutekereza ubuhinzi yajyana  ku isoko’’.

Dr. Nkurunziza yavuze ko mu bihugu byateye imbere, abari mu buhinzi ari bake aho usanga hari 10%, cyangwa munsi yaho. Usanga bashyiramo imbaraga nyinshi n’ishoramari rihagije kugirango bashobore kujyana ibiribwa  abarenga 90 ku ijana bakeneye kandi bo batari mu buhinzi.

Nkurunziza yatangarije brighafrica.rw ko ubu umuhinzi abarimo gutekereza ejo aho azaba ahagaze, akaba asanga uko isoko rizagenda ryiyongera ari  nako abantu bazagenda bahinga kandi bagashoramo imari kuko bazaba bafitemo inyungu.

Dr Augustin Wambo Yamdjeu Sni Umuyobozi ushinzwe iby’ubumenyi mu mushinga wa AKADEMIYA2063 ufite icyizaro i Kigali.

Mu kiganiro n’abanyamakuru, yavuze ko iyi nama iziye igiye mu rwego rwo kurebera hamwe ibibazo bitandukanye byugarije umugabane harimo ingaruka z’icyorezo cya Covid 19, ingaruka z’intambara y’Uburusiya na Ukraine  ndetse n’ibibazo biterwa n’imihindukire y’ikirere.

Inama ikaba ikaba yiga ku  intambwe yatewe mu bikorwa byo gushyiraho urubuga rwo kunguranamo ibitekerezo ndetse n’ubushakashatsi, hagamijwe ubukangurambaga, kubaka ubushobozi no guhuza abanyamuryango.

Kuva  uyu mushinga  watangira muri  2010, AGRODEP  imaze guhugura inzobere 230 z’Abanyafurika bava mu bihugu 30, ubu bakaba  bafite uruhare runini mu nyigo yerekeranye n’iterambere ry’umugabane wa Afurika.

AGRODEP yabaye ikirangirire nk’urwego rw’inzobere rw’Abanyafurika, bityo abanyamuryango bakaba barasabwe kureba iterambere ku mugabane wa Afurika mu bihugu bigize Preferential Free Trade Area, kureba ingamba zifatwa ku rwego rw’Umugabane wa Afurika nka New Alliance for Food Security and Nutrition.

 Karenzi Christophe