Burkina Faso: Capt Traoré yagizwe Perezida
Captain Ibrahim Traoré wahiritse ubutegetsi bwa Paul-Henri Sandaogo Damiba wayoboraga Burkina Faso, yagizwe Perezida w’iki gihugu.
Iki cyemezo gikubiye mu itegeko Leta ya Burkina Faso yashyize hanze ku wa Gatatu tariki 5 Ukwakira 2022 nk’uko tubikesha France 24.
Itangazo ry’uko Traoré yagizwe Perezida n’Umugaba w’Ikirenga w’ingabo ryasomewe kuri Televiziyo y’Igihugu.
Capt Traoré abaye Perezida nyuma y’iminsi mike uwo yahiritse ku butegetsi, Sandaogo Damiba ahungiye muri Togo.
Iki gikorwa cyo guhurika ubutegetsi muri Burkina Faso ni icya kabiri kibaye mu gihe kitageze ku mezi icyenda kuko na Sandaogo Damiba wahiritswe, ku wa 24 Mutarama 2022 yari yakoreye Coup d’etat, Roch Marc Christian Kaboré wari umaze imyaka ibiri atorewe manda ya kabiri.
Brightafrica.rw
