APR BBC iyoboye shampiyona y’Igihugu
Shampiyona ya Basketball mu Rwanda yarakomeje, Ikipe ya APR BBC yatsinze Patriots amanota 68-67, isoza imikino yayo ibanza ya Shampiyona yicaye ku mwanya wa mbere idatsinzwe.
Uyu mukino wari ishiraniro wabaye ku Cyumweru, tariki ya 16 Werurwe 2024 muri Petit Stade i Remera ukaba waratangiye saa mbiri z’ijoro.
Wari utegerejwe na benshi kuko harebwaga niba Patriots yabasha guhagarika APR BBC, cyangwa nayo igakomeza gushimangira ubuhangange bwayo muri uyu mwaka.
Umukino watangiye wihuta cyane n’amanota ari menshi kuko Elliot Cole na Aliou Diarra batsindiraga amakipe yombi.
Agace ka mbere karangiye Patriots BBC iyoboye umukino n’amanota 28 kuri 20 ya APR BBC.
Mu gace ka kabiri, umukino wakomeje kugenda muri uwo mujyo, Kamirindi Olivier akorera mu ngata bagenzi be, atsinda amanota menshi.
Mu minota itanu ya mbere y’aka gace, Patriots yari yashyizemo ikinyuranyo cy’amanota icyenda (40-31).
Igice cya mbere cyarangiye Patriots BBC ikomeje kuyobora umukino n’amanota 45 kuri 38 ya APR BBC.
Ikipe y’Ingabo yasubiranye imbaraga mu gace ka gatatu itangira kugarira bikomeye.
Patriots BBC
Mu minota ya nyuma, Patriots yihagazeho ibifashwamo n’ubunararibonye bw’abakinnyi.
Ku isegonda rya nyuma ry’aka gace, Cole yatsinze amanota atatu ari mu kibuga hagati, aka gace karangira Patriots ikiyoboye umukino na 56 kuri 49 ya APR.
Agace ka nyuma, Ikipe y’Ingabo yakihariye cyane kuko Patriots yari yarushye kubera abakinnyi bake bityo ntibasimburwe.
Habura iminota itatu, Ikipe y’Ingabo yayoboye umukino ku nshuro ya mbere n’amanota (60-59).
Mu masegonda 17 ya nyuma y’umukino, Patriots yarushaga APR BBC amanota abiri (67-65). Icyakora ku isegonda rya nyuma, Adonis Filer yatsinze amanota atatu yakoze ikinyuranyo.
Umukino warangiye APR BBC yatsinze Patriots amanota 68-67, isoza imikino yayo ibanza ishimangiye umwanya wa mbere kandi idatsinzwe.
Aliou Diarra yatsinze amanota menshi muri uyu mukino, angana na 29, Cole Elliott atsinda 26 ku ruhande rwa Patriots BBC.
Imikino ibanza izarangira ku wa Gatanu, tariki 21 Werurwe 2025, aho Tigers BBC izakina na Kepler saa 18:30, mu gihe saa 20:00, REG BBC izakina na Patriots BBC.
APR yugarijwe n’imvune z’abakinnyi bakomeye barimo Shema Osborn, Victor Mukama, Israel Oktobo na Chris Ruta
IYI MIKINO Y’IBIRARANE ITEGANYIJWE MURI UBU BURYO*
DAY 2 | FRIDAY 21/03/2025
🎯 PATRIOTS BC vs REG M BBC M (BK ARENA-21:00)
DAY 14 | SUNDAY 11/05/2025
🎯 AZOMCO M BBC vs UGB (PETIT STADE-17:00)
DAY 17 | SUNDAY 08/06/2025
🎯 KEPLER M BBC vs TIGERS BBC (PETIT STADE-18:30)
RANKING| FIRST ROUND
🚹 MEN’s DIV1
1. APR BBC 16 pts
2. REG BBC 13 pts [-1]
3. Patriots BBC 12 pts [-1]
4. UGB 11 pts [-1]
5. Orion 11 pts
6. Kepler BBC 10 pts [-1]
7. Tigers BBC 10 pts [-1]8. Espoir BBC 9 pts
9. AZOMCO 7 pts [-1]
⚠️ N.B: [-1]: Ikirarane cy’umukino 1
Brightafrica.rw
