Rutahizamu wakunzwe n’Abanyarwanda by’umwihariko mu Ikipe y’Igihugu Amavubi, Jimmy Gatete wubatse izina mu mupira w’u Rwanda yahuriye n’ikipe ya AS Kigali i Kinshasa.

Gatete Jimmy yahuye n’abarimo abo bakinanye mu Amavubi (Nshimiyimana Eric, Mulisa Jimmy, Mutarambirwa Djabil na Niyonzima Haruna) aho bari i Kinshasa.

Leon hotel, AS Kigali iri kubamo ni yo Gatete Jimmy acumbitsemo, aho ari muri gahunda ze bwite.

Nta makuru arambuye ya gahunda bwite Jimmy Gatete ari gukorera muri Repubulika Iharanira Demokarasi ya Congo, kuko atigeze yifuza kuganira n’itangazamakuru.

AS Kigali iri muri Repubulika Iharanira Demokarasi ya Congo, aho igiye gukina umukino wo kwishyura uwo yatsinzwemo na DCMP ibitego 2-1 mu mukino ubanza wabereye i Kigali.

Ubwanditsi