Kenya: Raila Odinga mu kato nyuma yo kumusangamo Covid-19

Raila Odinga amaze igihe akoresha ibikorane by’abantu benshi mu gihugu

Raila Odinga ukuriye abatavugarumwe n’ubutegetsi muri Kenya yashyizwe mu kato nyuma y’uko kuwa kane nijoro bamusangamo coronavirus.

Kuwa kabiri, Bwana Odinga yashyizwe mu bitaro mu murwa mukuru Nairobi, afite ibimenyetso birimo umunaniro, nk’uko umuryango we ubivuga.

Mu itangazo ryasohowe na muganga we, yagize ati: “Ari koroherwa kubera imiti ari guhabwa…kandi ameze neza. Dukomeje gukurikirana uko amerewe.”

Nyuma, Odinga nawe ubwe yasohoye itangazo avuga ko “yumva akomeye kandi ameze neza” ariko yemerwanyijwe n’abaganga kujya mu kato.

Kenya iri mu nkubiri ya gatatu ya Covid-19, nk’uko byatangajwe na minisitiri w’ubuzima waho.

Source:BBC Gahuza