SG Ingabire: Ikibazo cy’imihindagurikire y’ikirere giteye inkeke
I Kigali hatangiye inama ihuje abahagarariye abahinzi muri Afrika , Karayibe na Pacifique kugirango baganire ku bibazo bitandikanye bahura nabyo bakanabishakira ibisubizo.
Iyi nama y’iminsi 3 yatangiye ku wa kabiri tariki 16.5.2023 izasozwa ku wa kane 18.05.2023.
Mu kiganiro n’abanyamakuru Kolyang Palebélé, Umuyobozi wa PAFO (l’Organe représentatif des Organisations Paysannes Africaines), yavuze imbogamizi abahinzi bahura nazo, zimwe muri izo ni ikibazo kijyanye n’imihindagurikire y’ikirere, ikibazo cy’inguzanyo ku bahinzi mu bihugu bitandukanye ndetse n’ubushake buke bwa politiki.
Umuyobozi wa PAFO Kolyang Palebélé
Yagaragaje ko habonetse ubushake n’ubufatanye bw’inzego zitandukanye, haboneka uburyo burambye kuri izo nzitizi.
Yagize ati ‘Hari ubufatanye ,dushobora kugera ku iterambere rifatika kandi abaturage bagira ubuzima bwiza muri Afrika ndetse n’iterambere ryizewe kandi rirambye’’ .
Ikibazo kijyanye n’imihindagurikire y’Ikirere kibangamiye hafi abahinzi bose atari muri Afrika, ngo ni ku isi hose.
Umuyobozi mukuru ushinzwe igenamigambi muri Minisiteri y’ubuhinzi n’ubworozi (MINAGRI) Chantal Ingabire, mu kiganiro n’abanyamakuru yavuze ko ikibazo cy’imihandagurikie y’ikirere giteye inkeke, aho usanga hamwe hari imvura nkeya ahandi ni izuba ryinshi, ahandi hari indwara ziturutse ku mihindagurikikre y’ikirere. Yavuze ko icyo ari kimwe mu bibazo bikomeye byugarije abahinzi batoya harimo no mu Rwanda
SG Chantal Ingabire
Yagize ati ‘’Nubwo igihugu cyacu gishyiramo imbaraga nyinshi kugirango kibafashe, ariko turacyafite imbogamizi kubigendanye n’imihindagurikire y’ikirere. Ikindi kibazo ni icyugarije abahinzi bato kijyanye no kubasha kubona inguzanyo, kubona amafaranga bakoresha mu buhinzi’’.
Ikindi cyavuzwe ari nacyo kigize intego y’iyi nama ni ikijyanye no gutanga ubumenyi mu guteza imbere ubuhinzi bwageza no ku bahinzi babukoresha.
Umuryango wa PAFO (Pan African Farmers Organization), ufite icyicaro i Kigali, wateguye inama ukaba ugizwe n’amashyirahamwe ndetse n’amakoperative asaga 48 zo mu bihugu bya Afrika.
Abitabiriye inama ya PAFO
Christophe Karenzi
