Itorero rya EDPR Region Kamonyi ryashoje amasengesho y’iminsi 40
Ku Rusengero rw’Itorero rya EDPR Paroisse ya Bunyonga iherereye mu Karere ka Kamonyi, ku wa gatandatu tariki ya 17/12/2022, habereye Igiterane gisoza amasengesho y’iminsi 40 cyahuje amatorero yose agize Region ya Kamonyi.
Iyi Region ikaba igizwe n’amatorero yo mu cyahoze ari Cyangugu na Gikongoro ndetse n’Amatorero yose ari mu Ntara y’Amajyepfo.
Igiterane kandi cyabereyemo umuhango yo kwimika abakozi b’lmana ku nshingano z’ubuvuga utumwa n’ubudiyakoni.
Habaye ndetse n’Umuhango wo kubatiza abasaga abagera kuri 50, kwakira abizera, gusengera abana ndetse no kwegera Ameza y’Umwami.
Umuyobozi wa Region mu Itorero ry’ lmana ry’ Ubuhanuzi Rev Charles Karinganire akaba na Vice Representant wa kabiri mu gihugu akaba ari nawe mushumba w’Urusengero rwa Paroisse ya Bunyonga niwe waruyoboye umuhango mu gusiga amavuta abatoranijwe uyu murimo.
Yagize ati “ Bashumba bagenzi banjye namwe muvuye gusengerwa mugiye kurahira uzagambanira uyu murimo cyangwa akagambanira abayobozi bamukuriye, lki gihango kizamufata’’.
Uyu muhango hakaba harasengewemo abavuga butumwa n’abadiyakoni basaga 60 wari wanitabiriwe n’abashumba bakorera muri yi Region ndetse n’umushumba Muragwa Bonaventure uyoboye Region ya Kigali akaba n’Umunyamabanga mukuru w’iri Torero n’abandi bashumba bavuye mu yandi matorero.
Igiterane cyabaye harimo no gusoza amasengesho y’iminsi 40 iri torero rimazemo risenga.
Umushumba Adonie uyobora Paroisse ya Bugarama i Rusizi , mu ijambo rye yavuze ko bigaragara ko Imana yibereye mu murimo yayo ashingiye kubyo yabonye muri iki giterane gisoza umwaka cyahuje amatorero yose agize Region ya Kamonyi.
Icyicaro gikuru cya EDPR ku isi kiri muri Leta zunze Ubumwe z’Amerika (USA), mu Rwanda kikaba gifite icyicaro cyayo i Kanombe mu Karere ka Kicukiro.
Karenzi Christophe
