Amakipe 4 ya mbere muri Basket Ball agiye kwesurana muri kamarampaka ”Playoffs2021-2022”
Amakipe yabaye ane ya mbere, ni yo agiye gukina imikino ya Kamarampaka izwi nka “Playoffs 2021-22”. Urutonde rw’uko amakipe yasoje shampiyona akurikirana (regular season), hasigaye umukino umwe uzahuza RP IPRC Kigali BBC vs RP IPRC Huye BBC uzaba ku wa Gatandatu tariki 20 Kanama 2022.
Uko amakipe agiye guhura:
Patriots BBC yabaye iya mbere iresurana na Tigers BBC yabaye iya 4 naho REG BBC (2) icakirane na APR BBC (3).
Biteganyijwe ko muri kimwe cya kabiri (1/2), amakipe azakina imikino 3 (Best of 3). Umukino wa mbere uzaba tariki 26/8/2022, uwa kabiri uzabe tariki 28/8/2022. Umukino wa 3 (bibaye ngombwa), uzaba tariki 31/8/2022. Iyi mikino izabera ku bibuga bibiri bya; AIPER -Nyandungu ndetse no muri Kepler (Kimironko).
Ku rundi ruhande, imikino ya nyuma muri Playoffs 2021-22, izatangira tariki 7/9/2022, aho bazakina imikino 5 (Best of 5), ikaba izabera muri BK ARENA.
Uyu mwaka ibihembo byarazamuwe, mu cyiciro cy’abagabo; bizava kuri miliyoni 2 ku ikipe ya mbere, ihabwe miliyoni 15, iya kabiri ihabwe miliyoni 10 naho iya 3 ihabwe miliyoni 5.
Rwanda Basketball League “Playoffs 2021-22”
Muri 1/2 (BEST OF 3) | Abagabo
Ku wa gatanu tariki 26/8/2022 FIXTURES| GAME 1
Patriots BBC vs Tigers BBC (AIPER- Nyandungu-20h00)
REG BBC vs APR BBC (Kepler-20h00)
Karenzi Christophe
