APR FC yatangiye shampiyona ya 2021-2022 yitwara neza

APR FC 3-1 Gicumbi FC

Espoir FC 0-2 AS Kigali

Marines FC  0-1 Gasogi United

Rayon Sports  1-0 Mukura

Kiyovu  1-0 Gorilla FC

Etincelles FC  0-0 Rutsiro FC

Etoile de l’Est FC 0-3 Police FC

Musanze FC 3-1 Bugesera FC

Taliki 30 na 31 Ukwakira 2021 ni bwo habaye imikino y’umunsi wa mbere  wa  shampiyona y’icyiciro cya mbere mu bagabo “Primus  National League 2021-2022”. Ikipe ya APR FC ifite igikombe  giheruka yatangiye  yitwara neza.

Iyi kipe yatsinze Gicumbi FC yazamutse mu cyiciro cya mbere uyu mwaka ibitego 3-1. Ibitego bya APR FC  byatsinzwe na Kwitonda Alain  , Bizimana Yannick na Ndayishimiye Dieudonne  naho igitego cya Gicumbi FC cyatsinzwe na Dusenge Bertin.

Mu yindi mikino y’umunsi wa mbere  yabaye,  ikipe ya Espoir FC yatsindiwe iwayo na AS Kigali ibitego 2-0, Marines FC itsindirwa mu rugo na Gasogi United igitego 1-0. Ikipe ya Kiyovu yatsinze Gorilla FC igitego 1-0, Etincelles FC na Rutsiro FC  zinganya 0-0, Etoile de l’Est FC itsindwa na Police FC ibitego 3-0, Musanze FC itsinda Bugesera FC bitego 3-1.

Ikipe ya Rayon Sports yasoreje ku mwanya wa 7 umwaka ushize wa shampiyona yatangiye itsinda ikipe ya Mukura igitego 1-0 cyatsinzwe na  rutahizamu wayo mushya,  Rharb Youssef ukomoka muri Maroc akaba yaratijwe muri Rayon Sports avuye mu ikipe ya Raja Casablanca.

Brightafrica