Mu wa gishuti, Rayon sports yatsinze Bugesera FC
Ikipe ya Rayon Sports yatsinze Bugesera FC 2-0 mu mukino wa gishuti , amakipe yombi yitegura Shampiyona izatangira tariki 1 Gicurasi 2021.
Ni umukino wabaye kuri uyu wa Gatatu tariki 21 Mata 2021 kuri stade ya Bugesera. Ni umukino wateguye na Rayon Sports ariko ubera mu Bugesera.
Manace Mutatu winjiye asimbuye niwe wafunguye amazamu ku munota wa 63 ku mupira yari ahawe na Nishimwe Blaise. Sugira Erneste na we wari wabanje hanze, yatsinze igitego cya kabiri ku munota wa 85 ku mupira yari ahawe na Ndizeye Samuel na we winjiye asimbuye.
Uko amakipe azaba agabanyije mu matsinda ya Shampiyona:
Itsinda A: APR FC ifite igikombe giheruka cya 2019/20, Bugesera FC, AS Muhanga na Gorilla FC.
Itsinda B: Rayon Sports yabaye iya kabiri umwaka ushize, Kiyovu Sports, Gasogi United na Rutsiro FC.
Itsinda C: Police FC yabaye iya gatatu, AS Kigali, Musanze FC na Etincelles FC.
Itsinda D: Mukura Victory Sports yabaye iya kane, Sunrise FC, Marines FC na Espoir FC.
Ubwanditsi
