Imikino yabaye BAL 2021: AS Douanes, Zamalek na US Monastir zitwaye neza
GS Pétroliers 76-94 AS Douanes
Maputo 55-71 Zamalek
GNBC 66-113 US Monastir
Tariki 18-05-2021
AS Police -Petro de Luanda (17h30)
FAP- AS Salé (21h00)
Kuri wa mbere tariki 17 Gicurasi 2021, imikino y’Afurika y’amakipe yabaye aya mbere iwayo “Basketball Africa League (BAL)” yakomeje hakinwa imikino y’umunsi wa kabiri yabereye muri Kigali Arena.
Mu itsinda C, ikipe ya AS Douanes yo muri Senegal yatsinze GS Pétroliers yo muri Algeria amanota 94 kuri 76. Ikipe ya AS Douanes yatsinze agace ka mbere ku manota 21 kuri 19, itsinda aka kabiri ku manota 20 kuri 15. Agace ka gatatu GS Pétroliers yatsinze AS Douanes amanota 29 kuri 26 naho agace ka nyuma ka 4, AS Douanes itsinda GS Pétroliers amanota 27 kuri 13.
Muri iri tsinda kandi ikipe ya Zamalek yo mu Misiri yatsinze Ferroviário de Maputo yo muri Mozambique amanota 71 kuri 55 (16-13,18-20,15-09 na 22-13).
Mu itsinda A, nyuma y’umukino wafunguye irushanwa tariki 16 Gicurasi 2021 wahuje Patriots BBC yo mu Rwanda na Rivers Hoopers yo muri Nigeria, kuri uyu wa Mbere tariki 17 Gicurasi 2021, ikipe ya US Monastir yatsinze GNBC yo muri Madagascar amanota 113 kuri 66 (23-13, 35-19,30-11 na 25-23).
Ubwanditsi
Brightafrica.rw
