{"id":3993,"date":"2024-02-14T16:28:08","date_gmt":"2024-02-14T16:28:08","guid":{"rendered":"https:\/\/brightafrica.rw\/?p=3993"},"modified":"2024-02-14T16:28:09","modified_gmt":"2024-02-14T16:28:09","slug":"luvumbu-watandukanye-na-rayon-sports-yakiriwe-nkintwari-i-kinshasa","status":"publish","type":"post","link":"https:\/\/brightafrica.rw\/index.php\/2024\/02\/14\/luvumbu-watandukanye-na-rayon-sports-yakiriwe-nkintwari-i-kinshasa\/","title":{"rendered":"Luvumbu watandukanye na Rayon Sports yakiriwe nk\u2019intwari i Kinshasa"},"content":{"rendered":"\n

Umunye-Congo H\u00e9ritier Nzinga Luvumbu wasubiye iwabo nyuma yo gutandukana na Rayon Sports ku bwumvikane, biturutse ku bihano byo guhagarikwa amezi atandatu yahawe n\u2019Ishyirahamwe rya Ruhago mu Rwanda (FERWAFA), yakiriwe nk\u2019intwari n\u2019abarimo Minisitiri wa Siporo n\u2019Imyidagaduro muri RDC, Fran\u00e7ois Claude Kabulo Mwana Kabulo, ku kibuga cy\u2019indege i Kinshasa.<\/p>\n\n\n\n

Ku mugoroba wo ku wa Kabiri, tariki ya 13 Gashyantare 2024, ni bwo Rayon Sports FC yashyize hanze itangazo rigaragariza abakunzi bayo ko itakiri kumwe n\u2019uyu rutahizamu.<\/p>\n\n\n\n

Iri tangazo ryasohotse nyuma y\u2019umukino w\u2019umunsi wa 20 wa Shampiyona wabereye kuri Stade ya Kigali i Nyamirambo ku Cyumweru, aho H\u00e9ritier Luvumbu yatsinze igitego ariko mu kucyishimira agapfuka ku munwa ajya kwifotoza imbere y\u2019abanyamakuru bari ku kibuga.<\/p>\n\n\n\n

Uku gupfuka ku munwa ni igikorwa cya politiki kimaze iminsi gikorwa n\u2019Abanye-Congo hirya no hino mu rwego rwo kuyobya uburari ku bwicanyi nyakuri buri gukorerwa abavuga Ikinyarwanda mu Burasirazuba bwa Congo nk\u2019uko byemejwe n\u2019Umuryango w\u2019Abibumbye.<\/p>\n\n\n\n

Uyu mukinnyi wari wahamagajwe na FERWAFA ku wa Mbere, bigatangazwa ko yahagaritswe amezi atandatu ku wa Kabiri, yahise ava i Kigali, yerekeza iwabo muri Repubulika Iharanira Demokarasi ya Congo anyuze i Goma, mu gihe kuri uyu wa Gatatu ari bwo yafashe indege imujyana i Kinshasa.<\/p>\n\n\n\n

H\u00e9ritier Luvumbu watandukanye na Rayon Sports ku bwumvikane, yafashe indege imujyana i Kinshasa nyuma yo kuva mu Rwanda anyuze i Goma.<\/p>\n\n\n\n

Uyu mukinnyi yahagaritswe amezi atandatu muri ruhago Nyarwanda nyuma yo kwishimira igitego mu buryo butemewe, abihuza na politiki. pic.twitter.com\/97241kOeh7
\u2014 IGIHE Sports (@IGIHESports) February 14, 2024<\/p>\n\n\n\n

Amategeko ya FIFA mu gika cyayo cya kane abuza abakinnyi kugaragaza ibyiyumvo bya politike ndetse n\u2019amadini ku kibuga, akanaha uburenganzira abategura amarushanwa guhana abakinnyi bagaragayeho iyi myitwarire.<\/p>\n\n\n\n

Luvumbu yari asigaje amasezerano y\u2019igihe gito muri Rayon Sports kuko yari yasinye umwaka umwe uzarangirana n\u2019uyu mwaka w\u2019imikino wa 2023\/24.<\/p>\n\n\n\n

Uyu mukinnyi wari umaze gutsinda ibitego icyenda muri Shampiyona, yageze bwa mbere muri Gikundiro mu 2021, akina amezi abiri mbere yo kwerekeza muri Angola.<\/p>\n\n\n\n

Ubwo yari iwabo nta kipe afite, yegerewe na Rayon Sports muri Mutarama 2023, asubira muri Gikundiro yafashije kwegukana Igikombe cy\u2019Amahoro cy\u2019uwo mwaka no kongera gukina imikino Nyafurika ya CAF Confederation Cup.<\/p>\n\n\n\n

Uyu mukinnyi wo hagati ukina asatira izamu, ni umwe mu Banye-Congo batari bake bakinaga mu Rwanda, ariko we akagira umwihariko ko yari mu bakinnyi beza bakomeye, kandi akaba yakiniraga Rayon Sports ikundwa na benshi ndetse ikurikirwa n\u2019abatari bake hanze y\u2019igihugu.<\/p>\n\n\n\n

Igikorwa yakoze yishimira igitego yatsinze Police FC cyafashwe nk\u2019icyari kigambiriwe kuko nyuma y\u2019umukino yegerewe na bamwe mu bayobozi ba Rayon Sports akabwirwa ko bitari bikwiye ariko agomba gutuza.<\/p>\n\n\n\n

Ibyo byabaye nyuma y\u2019uko Mitima Isaac yari yamanuye amaboko ye mu kwishimira igitego, ariko undi akabirengaho, akaza kujya imbere y\u2019abafata amafoto akongera gukora ikimenyetso.<\/p>\n\n\n\n

Nyuma y\u2019aho Luvumbu yagiye kuri Instagram, ashyiraho amashusho yishimira igitego muri bwa buryo, yongeraho amagambo agira ati “Nyagasani, turashaka amahoro hagati y\u2019ibihugu byombi.”<\/p>\n\n\n\n

Uburyo yakiriwe na Minisitiri wa Siporo n\u2019Imyidagaduro muri RDC, Fran\u00e7ois Claude Kabulo Mwana Kabulo, ku kibuga cy\u2019indege cya N\u2019djili bigaragaza uburyo ibyakozwe n\u2019uyu mukinnyi byishimiwe i Kinshasa, ndetse hari n\u2019abadatinya kuvuga ko byaba byari byateguwe, dore ko uyu mukinnyi atigeze asaba imbabazi ku byabaye, ngo agaragaza ko habayeho kubyumva nabi.<\/p>\n\n\n\n

I Kinshasa, hari hateguwe imodoka ya Benz ihita ifata Luvumbu ku kibuga cy\u2019indege ndetse yahise yakirwa na Minisitiri Fran\u00e7ois Claude Kabulo Mwana Kabulo n\u2019abandi bari kumwe barimo abo mu muryango w\u2019uyu mukinnyi.<\/p>\n\n\n\n

#RDC: Heritier Luvumbu est arriv\u00e9 \u00e0 Kinshasa . Il a \u00e9t\u00e9 accueilli par le ministre des sports ainsi que son \u00e9pouse . pic.twitter.com\/36AXdvAsW2
\u2014 Rachel Kitsita Ndongo (@rkitsita) February 14, 2024<\/p>\n\n\n\n

Ibyo Luvumbu yakoreye i Nyamirambo ntaho bitandukaniye n\u2019ibyakozwe n\u2019Ikipe y\u2019Igihugu ya Repubulika Iharanira Demokarasi ya Congo mu Gikombe cya Afurika giheruka kubera muri C\u00f4te d\u2019Ivoire.<\/p>\n\n\n\n

\"\"<\/figure>\n\n\n\n

Luvumbu ahoberana n’umugore we<\/p>\n\n\n\n

Perezida wa Repubulika ya Demokarasi ya Congo, F\u00e9lix Tshisekedi Tshilombo, yongeye gutwerera u Rwanda ibibazo biri mu gihugu cye, ubwo yakiraga iyi Kipe y\u2019Igihugu ivuye muri CAN 2023, avuga ko umusaruro yatanze utarusha agaciro igikorwa bakoze ubwo bifataga ku munwa mbere y\u2019umukino wa \u00bd cy\u2019irangiza batsinzwemo na C\u00f4te d\u2019Ivoire.<\/p>\n\n\n\n

Mu gihe benshi mu bakunzi b\u2019umupira w\u2019amaguru bumvaga ko uyu muyobozi agiye gushimira umwanya wa kane wabonywe n\u2019iyi kipe iyobowe na Chancel Mbemba nka Kapiteni, yaje gutangaza ko ikintu cyamukoze ku mutima ari igikorwa abakinnyi bakoze cyo kwifata ku munwa mbere y\u2019umukino wa kimwe cya kabiri.<\/p>\n\n\n\n

Yagize ati \u201cMwitwaye neza cyane mu byiciro byose ariko icyo nagumanye kurushaho cyanankozeho ni ibyo mwakoze haririmbwa indirimbo y\u2019igihugu.\u201d<\/p>\n\n\n\n

Yakomeje agira ati \u201cNubwo mwari kure y\u2019igihugu cyanyu, mwakomeje kwibuka abenegihugu banyu, ibyo ntabwo Congo izabyigabirwa, ntigomba kubyibagirwa kuko mwatumye Isi yongera gukanguka nyuma yo kumara igihe isa nk\u2019isinziriye, itabona iby\u2019ubushotoranyi budakwiye dukorerwa n\u2019u Rwanda.\u201d<\/p>\n\n\n\n

Kuva mu ntangiriro za 2022, Leta ya Congo ishinja u Rwanda gufasha umutwe witwaje intwaro wa M23, haba mu kuwuha ibikoresho no kuwoherereza abasirikare bawufasha ku rugamba uhanganyemo n\u2019ingabo z\u2019igihugu. Ni ibirego bidafite ishingiro byamaganwe na Leta y\u2019u Rwanda, yagaragaje ko nta nyungu yakura mu kugira uruhare mu baturanyi.<\/p>\n\n\n\n

Ni ibirego byubuwe nyuma y\u2019aho abarwanyi ba M23 bahoze mu buhungiro bubuye imirwano mu ntara ya Kivu y\u2019Amajyaruguru mu mpera za 2021, nyuma y\u2019aho Perezida Tshisekedi yanze gusohoza isezerano yari yarabahaye ryo kubinjiza mu nzego z\u2019igihugu zishinzwe umutekano.<\/p>\n\n\n\n

Ubutegetsi bw\u2019iki gihugu bwita M23 umutwe w\u2019iterabwoba, bwahuruje amahanga, bugaragaza ko ugaba ibitero ku baturage, ugahitana ubuzima bwa bamwe, abandi bagakomereka, hakaba n\u2019abahunga. Ni ibirego wateye utwatsi, usobanura ko ibi byaha bikorwa n\u2019ingabo za Leta.<\/p>\n\n\n\n

Byageze aho Tshisekedi mu Ukuboza 2023 atangaza ko azasaba Inteko Ishinga Amategeko kumuha uruhushya, agashoza intambara ku Rwanda, gusa hari amakuru avugwa ko yaburiwe ko kubikora ari ukwikururira ibibazo, birangira yisubiyeho hitwajwe icyiswe \u201camavugurura mu Itegeko Nshinga rya RDC\u201d.<\/p>\n\n\n\n

\"\"<\/figure>\n\n\n\n

Luvumbu yagiranye ibiganiro na Minisitiri Fran\u00e7ois Claude Kabulo Mwana Kabulo<\/p>\n\n\n\n

Source: Igihe<\/p>\n","protected":false},"excerpt":{"rendered":"

Umunye-Congo H\u00e9ritier Nzinga Luvumbu wasubiye iwabo nyuma yo gutandukana na Rayon Sports ku bwumvikane, biturutse ku bihano byo guhagarikwa amezi<\/p>\n","protected":false},"author":1,"featured_media":3995,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[9],"tags":[],"class_list":["post-3993","post","type-post","status-publish","format-standard","has-post-thumbnail","hentry","category-imikino"],"_links":{"self":[{"href":"https:\/\/brightafrica.rw\/index.php\/wp-json\/wp\/v2\/posts\/3993","targetHints":{"allow":["GET"]}}],"collection":[{"href":"https:\/\/brightafrica.rw\/index.php\/wp-json\/wp\/v2\/posts"}],"about":[{"href":"https:\/\/brightafrica.rw\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/comments?post=3993"}],"version-history":[{"count":1,"href":"https:\/\/brightafrica.rw\/index.php\/wp-json\/wp\/v2\/posts\/3993\/revisions"}],"predecessor-version":[{"id":3998,"href":"https:\/\/brightafrica.rw\/index.php\/wp-json\/wp\/v2\/posts\/3993\/revisions\/3998"}],"wp:featuredmedia":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/media\/3995"}],"wp:attachment":[{"href":"https:\/\/brightafrica.rw\/index.php\/wp-json\/wp\/v2\/media?parent=3993"}],"wp:term":[{"taxonomy":"category","embeddable":true,"href":"https:\/\/brightafrica.rw\/index.php\/wp-json\/wp\/v2\/categories?post=3993"},{"taxonomy":"post_tag","embeddable":true,"href":"https:\/\/brightafrica.rw\/index.php\/wp-json\/wp\/v2\/tags?post=3993"}],"curies":[{"name":"wp","href":"https:\/\/api.w.org\/{rel}","templated":true}]}}