{"id":132,"date":"2020-10-02T09:27:08","date_gmt":"2020-10-02T09:27:08","guid":{"rendered":"https:\/\/brightafrica.rw\/?p=132"},"modified":"2020-10-02T09:27:13","modified_gmt":"2020-10-02T09:27:13","slug":"donald-trump-numugore-we-melania-babasanzemo-coronavirus","status":"publish","type":"post","link":"https:\/\/brightafrica.rw\/index.php\/2020\/10\/02\/donald-trump-numugore-we-melania-babasanzemo-coronavirus\/","title":{"rendered":"Donald Trump n’umugore we Melania babasanzemo Coronavirus"},"content":{"rendered":"\n

Perezida wa Leta zunze ubumwe za Amerika Donald Trump yatangaje ko we n’umugore we Melania Trump babasanzemo coronavirus kandi ubu bagiye mu kato.<\/strong><\/p>\n\n\n\n

Bwana Trump w’imyaka 74 yatangaje aya makuru kuri Twitter. Yanditse ati: “Ibi tuzabivamo hamwe”.<\/p>\n\n\n\n

Ibi ni nyuma y’uko bamwe mu bakorana nawe bya hafi babasanzemo iki cyorezo.<\/p>\n\n\n\n

Hope Hicks, umujyanama we w’imyaka 31, niwe muntu wa hafi cyane bakorana baheruka gusangamo Coronavirus.<\/p>\n\n\n\n

Madamu Hicks yajyanye nawe mu ndege ya Air Force One ubwo muri iki cyumweru yari agiye mu kiganiro mpaka cyabereye muri leta ya Ohio.<\/p>\n\n\n\n

Sean Conley, umuganga wa Bwana Trump yasohoye itangazo rivuga ko perezida n’umugore we “bombi ubu bameze neza, kandi bagiye kuguma mu rugo muri White House kugira ngo bakire”.<\/p>\n\n\n\n

Iri tangazo rikomeza rivuga ko uyu muganga yizeye ko “perezida ari bukomeze gukora inshingano ze nta kirogoya mu gihe ari gukira, kandi nzakomeza kubaha amakuru y’uko bizagenda”.<\/p>\n\n\n\n

Mu kiganiro kuri telephone kuri Fox News kuwa kane nijoro, Bwana Trump yavuze ko we na Melania “bamara igihe kinini bari kumwe na Hope”.<\/p>\n\n\n\n

Ubusanzwe, buri munsi ibiro bya White House bisuzuma uwundi muntu wese uba uri bubonane na perezida.<\/p>\n\n\n\n

Kuwa kane nijoro, Bwana Trump yari yavuze ko we n’umugore we, w’imyaka 50, bagiye kwishyira mu kato nyuma y’uko Madamu Hope bamusanzemo iyi ndwara.<\/p>\n\n\n\n

Yari yanditse nabwo kuri Twitter ati: “Hope Hicks, umaze igihe akora cyane ataruhuka na gato, bamusanzemo Covid-19. Birakomeye!<\/p>\n\n\n\n

“First Lady nanjye dutegereje ibisubizo. Hagati aho turaba dutangiye kujya mu kato!<\/p>\n\n\n\n

Bwana Trump siwe mutegetsi wa mbere ku isi wanduye iki cyorezo.<\/p>\n\n\n\n

Mu ntangiriro z’uyu mwaka, Minisirtiri w’intebe w’ubwongereza Boris Johnson yarayanduye, Perezida Jair Bolsonaro wa Brazil nawe yaje kuyandura. Bombi barayikize nubwo Johnson we yageze aho imumerera nabi akaremba ndetse agafashwa guhumeka<\/p>\n\n\n\n

Icyumweru kimwe nyuma y’uko Donald Trump asabye Abanyamerika kudaterwa ubwoba na Covid-19 kuko “urebye nta muntu igira icyo itwara” uretse abashaje n’abafite indwara z’umutima, ubu nawe iyi virus yamugezeho.<\/p>\n\n\n\n

Biragoye kwirengagiza ko iyi ari inkuru itigisa isi, iminsi 32 gusa mbere y’amatora ya perezida wa Amerika.<\/p>\n\n\n\n

Bwana Trump biramusaba kujya mu kato kugira ngo avurwe. Ibikorwa byo kwiyamamaza birahagaze. Ikiganiro mpaka kiri mu byumweru bibiri ubu kiribazwaho.<\/p>\n\n\n\n

Mu minsi ibiri ishize, mu kiganiro mpaka, Trump yacishije bugufi mukeba we Joe Biden ko ahora yambaye agapfukamunwa kandi adakora ibikorwa byo kwiyamamaza bingana nawe.<\/p>\n\n\n\n

Ubu, White House n’abashinzwe kumwamamaza bagomba gusobanura impamvu baretse perezida ntafate ingamba zikwiriye zo kwirinda – ndetse n’abandi bo muri leta ye bashobora kuba baranduye.<\/p>\n\n\n\n

Mu bihe by’amage mu gihugu, abaturage ba Amerika ubusanzwe bajya ku ruhande rwa perezida bakifatanya nawe. Gusa bishobora kuba atari uko biri bugende ubu.<\/p>\n\n\n\n\n\n

Ntibiramenyekana neza niba kuba Bwana Trump bamusanzemo iki cyorezo bizahungabanya ikiganiro mpaka cya kabiri giteganyijwe tariki 15 z’uku kwezi i Maimi muri leta ya Florida.<\/p>\n\n\n\n

Leta zunze ubumwe za Amerika nicyo gihugu cyazahajwe na Covid-19 kurusha ibindi ku isi, abantu bagera kuri miliyoni 7.2 barayanduye naho abarenga ibihumbi 200 irabica<\/p>\n\n\n\n

Bwana Trump yanenzwe n’abatavuga rumwe nawe kudafata ingamba zikomeye zo kurwanya iki cyorezo no kugifata nk’icyoroshye, ibyo we yahakanye. Kenshi yabonetse atambaye agapfukamunwa.<\/p>\n\n\n\n

Kuva yaboneka ku isi mu ntangiriro z’uyu mwaka, abantu barenga miliyoni 34 babasanzemo Covid-19, abarenga miliyoni imwe yarabishe, nk’uko bivugwa na kaminuza ya Johns Hopkins yo muri USA.<\/p>\n\n\n\n

Source: BBC Gahuza <\/p>\n","protected":false},"excerpt":{"rendered":"

Perezida wa Leta zunze ubumwe za Amerika Donald Trump yatangaje ko we n’umugore we Melania Trump babasanzemo coronavirus kandi ubu<\/p>\n","protected":false},"author":1,"featured_media":133,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-132","post","type-post","status-publish","format-standard","has-post-thumbnail","hentry","category-politiki"],"_links":{"self":[{"href":"https:\/\/brightafrica.rw\/index.php\/wp-json\/wp\/v2\/posts\/132","targetHints":{"allow":["GET"]}}],"collection":[{"href":"https:\/\/brightafrica.rw\/index.php\/wp-json\/wp\/v2\/posts"}],"about":[{"href":"https:\/\/brightafrica.rw\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/comments?post=132"}],"version-history":[{"count":1,"href":"https:\/\/brightafrica.rw\/index.php\/wp-json\/wp\/v2\/posts\/132\/revisions"}],"predecessor-version":[{"id":134,"href":"https:\/\/brightafrica.rw\/index.php\/wp-json\/wp\/v2\/posts\/132\/revisions\/134"}],"wp:featuredmedia":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/media\/133"}],"wp:attachment":[{"href":"https:\/\/brightafrica.rw\/index.php\/wp-json\/wp\/v2\/media?parent=132"}],"wp:term":[{"taxonomy":"category","embeddable":true,"href":"https:\/\/brightafrica.rw\/index.php\/wp-json\/wp\/v2\/categories?post=132"},{"taxonomy":"post_tag","embeddable":true,"href":"https:\/\/brightafrica.rw\/index.php\/wp-json\/wp\/v2\/tags?post=132"}],"curies":[{"name":"wp","href":"https:\/\/api.w.org\/{rel}","templated":true}]}}