Ishyirahamwe ry\u2019Umupira w\u2019Amaguru mu Rwanda (FERWAFA) ryamenyesheje amakipe y\u2019Icyiciro cya Mbere ko mbere y\u2019uko Shampiyona isubukurwa izayishyurira ibijyanye no gupimisha abakinnyi COVID-19, ariko inayagaragariza ibihano bikomeye bizahabwa abatazubahiriza ingamba zashyizweho mu kwirinda.<\/p>\n\n\n\n
Nubwo hataramenyekana igihe Shampiyona y\u2019Icyiciro cya Mbere mu mupira w\u2019amaguru izasubukurirwa, hari icyizere ko byaba mu mpera z\u2019uku kwezi hashingiwe ku nama zahuje amashyirahamwe y\u2019imikino itandukanye na Minisiteri ya Siporo mu kwezi gushize.<\/p>\n\n\n\n
Mu kwitegura ko ibintu byose byaba biri ku murongo mu gihe Inama y\u2019Abaminisitiri iteganyijwe mbere ya tariki ya 15 Werurwe 2021 yakomorera imyitozo n\u2019amarushanwa, FERWAFA yamenyesheje amakipe ingamba zizubahirizwa.<\/p>\n\n\n\n
Nk\u2019uko bigaragara mu mabwiriza ya paji 12 agabanyije mu ngingo icyenda, FERWAFA izishyura ibipimo bya Covid-19 byo mu bwoko bwa Rapid Test n\u2019ibya PCR by\u2019 abakinnyi n\u2019abandi bakozi (staff technique) b\u2019amakipe yose mbere y\u2019uko basubira mu mwiherero igihe hazaba hamaze gufatwa icyemezo cyo gusubukura shampiyona.<\/p>\n\n\n\n
FERWAFA yamenyesheje amakipe ko \u201cizishyurira gupima abantu 40. Igihe ikipe ifite abakinnyi cyangwa se abagize \u201cstaff technique\u201d bake yemerewe gupimisha abandi bakozi ariko ku buryo batarenza umubare ntarengwa wa 40.\u201d<\/p>\n\n\n\n
Yakomeje igira iti \u201cIkipe izifuza kurenza abantu bazishyurirwa na FERWAFA ifite inshingano zo kuzishyurira abazarenga ku mubare wagenwe kandi bigakorwa mu buryo bumwe n\u2019ubwo FERWAFA izabikoramo. Ikipe irasabwa kuzahita ishyikiriza ibisubizo by\u2019abapimwe Ubunyamabanga Bukuru bwa FERWAFA ikoresheje email.\u201d<\/p>\n\n\n\n
\u201cNta muntu n\u2019umwe wemerewe kujya mu mwiherero w\u2019ikipe atagaragara ku rutonde rw\u2019abapimwe Covid-19 ruzaba rwashyikirijwe Ubunyamabanga Bukuru bwa FERWAFA.\u201d<\/p>\n\n\n\n
Uretse ibi bipimo bya COVID-19 bizishyurwa na FERWAFA, amakipe afite inshingano yo kuzajya apimisha abakinnyi n\u2019abandi bakozi kuri buri munsi w\u2019umukino hifashishijwe uburyo bwa \u2018\u2018Rapid Test\u201d. Ibyo bipimo bizajya bifatwa ku munsi w\u2019umukino ku kibuga umukino uberaho kandi bishyikirizwe uhagarariye FERWAFA ku kibuga nibura amasaha atatu mbere y\u2019isaha umukino utangiriraho.<\/p>\n\n\n\n
Buri kipe yasabwe ko mu gihe kitarenze iminsi 10 mbere y\u2019uko shampiyona itangira, izagaragaza amasezerano ifitanye n\u2019ivuriro rizajya riyifasha mu kwipimisha Covid-19 riri ku rutonde rw\u2019amavuriro yabiherewe uburenganzira na RBC. Iri vuriro ni naryo rizajya ripima ikipe yasuye ariko buri kipe ikazajya yiyishyura ibijyanye no kuyipima.<\/p>\n\n\n\n
Mu gihe hari abakinnyi banduye COVID-19, 15 ni bo basabwa<\/strong><\/p>\n\n\n\n Mu bakinnyi 30 ikipe isabwa kwandikisha mu mwaka w\u2019imikino, 20 muri bo ni bo bagomba kujya ku rupapuro rw\u2019umukino.<\/p>\n\n\n\n Buri kipe igomba kuba ifite abakinnyi 15 batanduye COVID-19 (hatitawe ku myanya bakinaho). Mu gihe ikipe idakinnye umukino izajya iterwa mpaga y\u2019ibitego 2-0.<\/p>\n\n\n\n Amakipe yasabwe kugira abakozi bafasha mu kurwanya ikwirakwira ry\u2019icyorezo cya COVID-19<\/strong><\/p>\n\n\n\n Mu ngingo ya cyenda y\u2019aya mabwiriza, FERWAFA yavuze ko \u201cBuri kipe isabwe gushyiraho umukozi ushinzwe gukurikirana ishyirwa mu bikorwa ry\u2019amabwiriza yo kwirinda icyorezo cya COVID 19 mu gihe cy\u2019amarushanwa (COVID 19 Liaison officer) ndetse n\u2019umukozi ushinzwe isuku wabugenewe (IPC Manager \/ Hygiene Implementation officer) nk\u2019uko biteganywa n\u2019Ikigo cy\u2019Igihugu kita ku Buzima (RBC).\u201d<\/p>\n\n\n\n Abatoragura imipira bagomba kuba barengeje imyaka 18<\/strong><\/p>\n\n\n\n Amabwiriza ya FERWAFA avuga ko abantu bafite aho bahurira n\u2019abakinnyi hasi ku kibuga barimo abafata amashusho n\u2019abana batoragura imipira, bagomba kuba barapimishijwe COVID-19.<\/p>\n\n\n\n FERWAFA yasabye amakipe yakiriye umukino ko agomba kuba yarapimishije abantu batora imipira byibuze bane kandi na bo bakaba bari hejuru y\u2019imyaka 18.<\/p>\n\n\n\n Bazajya kandi bahabwa imiti (alcohol) yo gutera imipira kugira ngo yice virusi mbere y\u2019uko imipira isubizwa mu kibuga.<\/p>\n\n\n\n Abakinnyi ntibemerewe gutizanya ibikoresho<\/strong><\/p>\n\n\n\n Amakipe yamenyeshejwe ko agomba kwirinda ko abakinnyi batizanya ibikoresho birimo amacupa y\u2019amazi, imyambaro n\u2019ibindi.<\/p>\n\n\n\n Umubare w\u2019abasimbura ni batanu<\/strong><\/p>\n\n\n\n Umubare w\u2019abasimbura buri kipe yemerewe mu mukino umwe ni abakinnyi batanu.<\/p>\n\n\n\n Buri kipe yemerewe gusimbuza inshuro zitarenze eshatu mu gihe cy\u2019umukino hatabariwemo igihe ikipe ihisemo gusimbuza mu gihe cy\u2019akaruhuko k\u2019igice cya mbere.<\/p>\n\n\n\n Igihe ikipe zombi zisimburije icya rimwe mu gihe cy\u2019umukino, iyo nshuro izabarwa mu nshuro eshatu zavuzwe haruguru buri kipe yemerewe.<\/p>\n\n\n\n Ibihano FERWAFA yateganyije ku batazubahiriza amabwiriza<\/strong><\/p>\n\n\n\n Shampiyona y\u2019Icyiciro cya Mbere mu Rwanda ya 2020\/21 yahagaritswe na Minisiteri ya Siporo guhera ku wa 12 Ukuboza 2020 nyuma y\u2019uko hari amakipe amwe yagaragayemo ubwandu bwa COVID-19.<\/p>\n\n\n\n Hari nyuma y\u2019iminsi yayo itatu, imikino ine imaze gusubikwa kubera COVID-19 irimo iyari gukinwa n\u2019amakipe ya Rayon Sports na Rutsiro FC icyo gihe yari amaze iminsi mu kato. Indi ine ni iyari gukinwa na APR FC na AS Kigali zari mu mikino Nyafurika.<\/p>\n\n\n\n Umupira w\u2019amaguru kimwe n\u2019indi mikino ihuza abantu benshi kandi bakoranaho, ntiri mu cyiciro cya mbere cya siporo ziheruka gukomorerwa na Minisiteri ya Siporo ngo zisubukure imyitozo.<\/p>\n\n\n\n Amabwiriza rusange yo kwirinda COVID-19 aheruka gutangazwa n\u2019Inama y\u2019Abaminisitiri yo ku wa 19 Gashyantare, azageza tariki ya 15 Werurwe 2021.<\/p>\n\n\n\n <\/p>\n","protected":false},"excerpt":{"rendered":" Ishyirahamwe ry\u2019Umupira w\u2019Amaguru mu Rwanda (FERWAFA) ryamenyesheje amakipe y\u2019Icyiciro cya Mbere ko mbere y\u2019uko Shampiyona isubukurwa izayishyurira ibijyanye no gupimisha<\/p>\n","protected":false},"author":1,"featured_media":1160,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[9],"tags":[],"class_list":["post-1159","post","type-post","status-publish","format-standard","has-post-thumbnail","hentry","category-imikino"],"_links":{"self":[{"href":"https:\/\/brightafrica.rw\/index.php\/wp-json\/wp\/v2\/posts\/1159","targetHints":{"allow":["GET"]}}],"collection":[{"href":"https:\/\/brightafrica.rw\/index.php\/wp-json\/wp\/v2\/posts"}],"about":[{"href":"https:\/\/brightafrica.rw\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/comments?post=1159"}],"version-history":[{"count":1,"href":"https:\/\/brightafrica.rw\/index.php\/wp-json\/wp\/v2\/posts\/1159\/revisions"}],"predecessor-version":[{"id":1161,"href":"https:\/\/brightafrica.rw\/index.php\/wp-json\/wp\/v2\/posts\/1159\/revisions\/1161"}],"wp:featuredmedia":[{"embeddable":true,"href":"https:\/\/brightafrica.rw\/index.php\/wp-json\/wp\/v2\/media\/1160"}],"wp:attachment":[{"href":"https:\/\/brightafrica.rw\/index.php\/wp-json\/wp\/v2\/media?parent=1159"}],"wp:term":[{"taxonomy":"category","embeddable":true,"href":"https:\/\/brightafrica.rw\/index.php\/wp-json\/wp\/v2\/categories?post=1159"},{"taxonomy":"post_tag","embeddable":true,"href":"https:\/\/brightafrica.rw\/index.php\/wp-json\/wp\/v2\/tags?post=1159"}],"curies":[{"name":"wp","href":"https:\/\/api.w.org\/{rel}","templated":true}]}}Ikosa<\/strong><\/td> Ibihano<\/strong><\/td><\/tr><\/thead> Kudapimisha abakinnyi n\u2019abandi bakozi (staff technique) mbere y\u2019umukino nk\u2019uko biteganyijwe n\u2019amabwiriza<\/td> Guterwa mpaga y\u2019ibitego 2-0<\/td><\/tr> Umukomiseri wagaragayeho ubufatanyacyaha mu kutubahiriza aya mabwiriza bikemezwa n\u2019inzego zibishinzwe<\/td> Guhagarikwa imyaka itanu (5)<\/td><\/tr> Umukozi wa FERWAFA wagaragayeho ubufatanyacyaha mu kutubahiriza aya mabwiriza bikemezwa n\u2019inzego zibishinzwe<\/td> Kwirukanwa mu kazi (Iki gihano cyemezwa na Komite Nyobozi ya FERWAFA)<\/td><\/tr> Gukererwa gutanga ibisubizo bya Rapid Test ku munsi w\u2019umukino mu gihe giteganywa n\u2019amabwiriza<\/td> Ihazabu ya 200,000 Frw<\/td><\/tr> Igihe hadakoreshejwe imodoka abakinnyi bajya ndetse banava mu myitozo no ku mukino<\/td> Ihazabu ya 200,000 Frw ku nshuro igikorwa cyakozwe<\/td><\/tr> Gusohoka k\u2019umwe mu bakinnyi n\u2019undi mukozi (staff technique) umwiherero akawugarukamo adakoze PCR test<\/td> Ihazabu ya 500,000 Frw no kutitabira imikino ibiri<\/td><\/tr> Kurenga ku biteganyijwe mu ngingo ya 6 y\u2019amabwiriza y\u2019inyongera yo kwirinda Covid-19 mu gihe cya shampiyona y\u2019ikiciro cya mbere<\/td> Ihazabu ya 500,000 Frw<\/td><\/tr> Kurenga ku biteganyijwe mu ngingo ya 7 y\u2019aya mabwiriza y\u2019inyongera yo kwirinda Covid-19 mu gihe cya shampiyona y\u2019ikiciro cya mbere<\/td> Ihazabu ya 200,000 Frw<\/td><\/tr> Ikipe yagaragayeho uburiganya bugamije kwica aya mabwiriza bikagaragazwa n\u2019inzego zibishinze<\/td> Guhagarikwa muri uwo mwaka w\u2019amarushanwa kandi yazagaruka igahera mu cyiciro cya 2<\/td><\/tr> Kutagira uburinzi aho umwiherero w\u2019ikipe uri kubera<\/td> Ihazabu ya 500,000 Frw ku nshuro byagaragaye ko nta burinzi buhari<\/td><\/tr> Kutamenyekanisha ku gihe umukozi ushinzwe ibya Covid-19 mu ikipe (Covid-19 officer)<\/td> Ihazabu ya 100,000Frw<\/td><\/tr> Undi muntu wese mu barebwa n\u2019amategeko n\u2019amabwiriza bya FERWAFA wagaragaraho ibikorwa by\u2019ubufatanyacyaha mu kutubahiriza aya mabwiriza n\u2019andi ashyirwaho n\u2019inzego zibishinzwe<\/td> Ihazabu ya 200,000 Frw no guhagarikwa igihe kigenwa na Komisiyo Ishinzwe Imyitwarire hagendewe ku buremere bw\u2019ikosa<\/td><\/tr><\/tbody><\/table><\/figure>\n\n\n\n